Teknologjia e kompjuterave

Titulli: Teknologjia e kompjuterave Wed Mar 05, 2008 4:21 pm

Microsoft e ka syrin në tregun shqiptar

Gjigandi i softuerëve, Microsoft duket i interesuar në zgjerimin e pranisë së vet në Shqipëri. Një version në gjuhën shqipe i sistemit Office XP po lëshohet për herë të parë dhe kompania po përsiat mbi një plan për të kompjuterizuar shkollat e vendit.

"Ne do të duam tre deri pesë vjet të kemi rezultate fitimprurëse nga tregu shqiptar," u tha gazetarëve gjatë një vizite në Tiranë muajin e kaluar, kreu i operacioneve të Microsoft në Evropën Juglindore, Goran Radman. "Ky është një proces që do të nisë me ekspertisë teknike dhe trainim. Ndërkohë, ne do të punojmë për të arritur një marrëveshje... Jam i lumtur të njoftoj se i kemi bërë hapat e para," tha ai.

Radman nxiti autoritetet shqiptare të garantojnë kopirajtet e Microsoft dhe të sigurojnë lojë të ndershme në treg dhe tha se vendi ka për të përfituar mjaft nga futja e teknologjisë së re.

"Çdo shërbim mund të lehtësohet duke filluar që nga shpërndarja e patentave të makinave, certifikatave të lindjes dhe pagesave të taksave," tha Radman. " Duke aplikuar teknologjinë tonë autoritetet dhe publiku do të reduktojnë kohën për shërbimet."

Në krye të këtij viti, ministri shqiptar i arsimit dhe shkencës Genc Pollo u takua në Lisbonë me shefin e Microsoft Bill Gejts. Midis gjërash të tjera, ata diskutuan një ujdi të mundëshme mbi kompjuterizimin e sistemit arsimor të vendit dhe krijimin e një sistemi "e-qeverie" që do të thotë rritje e transparencës së administratës publike dhe lehtësim i komunikimit midis qytetarëve dhe qeverisë.

"Interneti do të jetë i mundshëm në shkolla. Nga informacioni që ne kemi, shkollat shqiptare nuk kanë as edhe kompjutera," tha Radman, duke sugjeruar që autoritetet të rritin ndërgjegjësimin publik dhe të ofrojnë nxitje të tilla si ulje taksash për blerjet e kompjuterave.

Aktualisht, numri i kompjuterave të blerë çdo vit në Shqipëri varion nga 12,000 në 17,000. Në Maqedoninë fqinjë, numri është pesë herë më i lartë. "Ne do të donim të ngrinim një qendër të teknologjive të reja në Shqipëri , një lloj parku teknologjik'. Një tjetër ide tona është të ndërtojmë një rrjet midis diasporës shqiptare dhe kompanive lokale në Shqipëri për kalimin e informacionit në publik," tha Radman.

Microsoft është një korporatë softueresh me bazë në SHBA, me selinë në Redmond, Uashington, me një mbyllje shitjesh për 2005 në 40 miliard $ dhe rreth 64,000 punonjës në 85 vende e rajone të botës.
Kjo përmbajtje është autorizuar nga SETimes.com